Vozua1. Kuhusu masharti haya
Vozua SMS ni huduma ya ujumbe wa biashara inayoendeshwa na Vozua Holdings Ltd. Masharti haya yanahusu akaunti, kutuma SMS, maombi ya Sender ID, salio la SMS na API. Unapofungua akaunti au kutumia huduma, unakubali masharti haya. Ukiwakilisha taasisi, lazima uwe na ruhusa yake.
Maelezo ya huduma na malipo unayothibitisha wakati wa kununua ni sehemu ya makubaliano ya ununuzi huo. Haki zako zinazolindwa na sheria zinaendelea kutumika.
2. Akaunti na usalama
Weka taarifa sahihi za mawasiliano na biashara, na uzisasishe zinapobadilika. Linda nenosiri, API keys na vifaa vyako. Usitoe ruhusa kwa watu wasiohusika. Unawajibika kwa matumizi unayoruhusu kupitia akaunti yako.
Tujulishe haraka ukihisi akaunti imetumiwa bila ruhusa. Tunaweza kuhakiki umiliki kabla ya kubadili ufikiaji au kutoa maelezo ya akaunti. Usitutumie PIN ya malipo au nenosiri la Google.
3. Ujumbe na ridhaa ya wapokeaji
Pakia namba na utume ujumbe kwa msingi unaoruhusiwa na sheria na ridhaa inapohitajika. Tambulisha biashara yako kwa usahihi, heshimu wanaokataa ujumbe wa matangazo na fuata masharti ya mawasiliano. Unawajibika kwa orodha zako, maudhui na matumizi ya ujumbe.
Usitume spam, utapeli, vitisho, ujumbe wa kujifanya mtu mwingine au wa kuiba nywila na PIN. Usikwepe masharti ya mitandao wala kutumia API kusumbua watu. Tunaweza kusimamisha ujumbe unaotia shaka wakati wa uchunguzi.
4. Sender ID na nchi za huduma
Sender ID iwe jina unaloruhusiwa kutumia. Weka nchi, matumizi na mfano sahihi wa ujumbe. Ombi kupokelewa au kuchakatwa si kuidhinishwa. Mtoa huduma wa mtandao anaamua na anaweza kuomba nyaraka au kukataa jina. Utatumia jina baada ya kuidhinishwa na kuunganishwa na akaunti yako.
Kenya na Tanzania zinatuma sasa. Hakiki kuunganishwa kwa Uganda au Rwanda kabla ya kununua. Usajili wa Sender ID ni bure Tanzania, Uganda na Rwanda; gharama za Kenya zinaoneshwa kabla ya malipo. Ada inapohitajika, ombi huwasilishwa baada ya malipo kuthibitishwa. Muda wa kuidhinishwa ni makadirio.
5. Bei, salio na malipo
Bei ni kwa kila sehemu ya SMS, kulingana na nchi na sarafu uliyochagua. Kima cha chini cha kununua ni SMS 100. Ujumbe mrefu au wenye herufi maalum unaweza kutumia sehemu kadhaa kwa kila mpokeaji. Hakiki wapokeaji, sehemu na gharama kabla ya kuthibitisha. SMS za nchi moja haziongezi salio la nchi nyingine.
Malipo hukamilishwa na mtoa huduma wa malipo. Push au muamala unaosubiri si uthibitisho wa malipo; salio huongezwa baada ya kuthibitishwa. Ada ya Sender ID ni tofauti na ununuzi wa SMS na haiongezi SMS. Ukiwa na tatizo la malipo au salio, tuma kumbukumbu ya muamala. Tutachunguza na kueleza marekebisho au marejesho yanayohusika.
6. Ofa, ufikaji na mipaka ya huduma
Ofa ya muda inatumika kwa nchi, bei, SMS zilizopo na muda unaooneshwa. Ofa hufungwa muda ukiisha au zilizobaki zikiwa chini ya kiwango kinachoweza kununuliwa. SMS kushikiliwa kwa muda wa malipo si hakikisho la ununuzi baada ya muda huo kuisha. Salio huongezwa kwa malipo yaliyothibitishwa tu.
Ujumbe kukubaliwa au kuwekwa kwenye foleni si uthibitisho wa kufika. Ufikaji unategemea mtandao, simu ya mpokeaji na masharti ya maudhui. Ripoti hutegemea majibu ya provider. Hitilafu na matengenezo vinaweza kuchelewesha huduma. Wasiliana nasi kabla ya kurudia ombi lisiloeleweka ili kuepuka ujumbe kujirudia.
7. Mabadiliko, kusimamishwa na msaada
Tunaweza kuboresha huduma, bei au masharti. Bei ya sasa huoneshwa kabla ya ununuzi mpya; mabadiliko ya masharti huwa na tarehe halisi ya toleo. Tarehe ya leo kwenye ukurasa haimaanishi masharti yamebadilishwa kila siku. Mabadiliko muhimu yatatangazwa kupitia huduma au mawasiliano ya akaunti inapofaa.
Tunaweza kuzuia matumizi kwa sababu ya utapeli, matumizi mabaya, sheria au hatari kubwa ya usalama. Unaweza kuacha huduma na kuwasiliana nasi kuhusu kufunga akaunti, salio au kumbukumbu. Masharti haya hayaondoi haki zisizoweza kuondolewa kisheria. Tuma malalamiko kwa support@vozua.com pamoja na email ya akaunti na kumbukumbu husika.